Елеуовтар отбасы жаңа пәтерге көшті

377
Елеуовтар отбасы

Көп балалы Елеуовтар отбасы жаңа мекенжайға қоныс аударды. Біздің редакция арқылы көпшіліктен көмек сұраған Елеуовтер елеусіз қалмады. Алматылық кәсіпкер төрт бөлмелі үй әперді. Жергілікті бизнес өкілдері де жомарттық танытты.

Елеуовтар отбасы

 

Үш жылдай шағын ғана жалдамалы пәтерде тұрған Елеуовтар отбасы көптен күткен қуанышқа кенеліп, көшіп жатыр. Алихан мен Маликаның бар жиған дүниесі – бес баласы. Солардың бақыты мен болашағы үшін өмір сүреді. «Гринбас» компаниясы ұсынған автобусқа тиелген азық-түліктің басым бөлігі – жомарт азаматтардың әкелген көмегі.

Елеуовтар отбасы

Қаратөбе көшесіндегі № 42 үйдің ауласы адамға лық толы. Баспаналы болған Елеуовтар отбасының қуанышына ортақ болғысы келгендер құр алақан келмепті. Көшіруге автобус ұсынған «Гринбас» компаниясының басшылығы балаларға ортопедиялық төсеніштері бар бес кереует тарту етті. Сонымен қатар көлік компаниялары да өз үлесін қосып, түсқағаздар бумасын жеткізді.

Елеуовтар отбасы

Аня Зарубина: «Елеуовтар отбасы жайлы бейнематериалды көргенде ұжымда көмектесеміз деп шештік. Алдында жалдамалы пәтердің бір жылдық ақысын төлейміз деп шешкенбіз. «Отырар» телеарнасымен хабарласқанда баспана алатынын білген соң балаларға қажетті кереуеттер алуды жөн көрдік.»

Елеуовтар отбасы

Ал «Наурыз» ойыншықтар зауытының ұжымы игі бастамаға қолдау көрсетіп, Шымкентте жасалған ойыншықтарын тарту етті. Балалардың бөлмесі уақытша көлік паркіне айналып, отандық өнімді құшақтаған балғындар сыйлыққа мәз-мейрам болды.

Елеуовтар отбасы

Алматылық азаматшаның демеушілігімен баспаналы болған Елеуовтар отбасына қаламызда қол ұшын созғандар көп. Солардың бірі – «Оңтүстік жарық транзит» мекемесінің ұжымы.

Елеуовтар отбасы

Елеуовтарды елегендердің қатарында облыс мәслихатының депутаттары да бар. Мүмкіндігі шектеулі Тәңірбергеннің арманын орындаған – осы кісілер. Планшетке құмартқан баланың ата-анасына тұрмыстық техника да тарту етілді.

Алихан Елеуов: «Отырар» телеарнасына рахмет! Көмектескен барлық жандарға рахмет!»

Аптаның соңына дейін мейірімді жандар Елеуовтар отбасына мұздатқыш, кір жуатын машина жеткізіп салады. Ал «ҚазТрансГаз» компаниясының ұжымы асханаға су жаңа газ плитасын орнатып береміз деп уәде етті. Осылайша жұмыла көтерген жүк жеңіл болып, көмекке мұқтаж отбасы балаларының қолайлы өмір сүруіне жағдай жасалды.

006

005

 

Шынар Оразова