Шымкентті көріктендіру үшін 700 мың жаздық гүл егіледі. Бұл туралы облыстық әкімдіктің баспасөз қызметі хабарлайды.
Шымкент аумағын көктем маусымына дайындап, көркейтіп, көгалдандыру үшін 2015 жылдың соңы мен 2016 жылдың басында бірқатар жұмыстар жасалды. Атап айтатын болсақ, ерте көктемте ерте гүлдейтін 90 300 түп голландиялық қызғалдақ тұқымдас гүлі әкімшілік іскерлік аумағы мен «Қызғалдақ» су бұрқағының гүлзарына, қала әкімдігінің аумағына, Ордабасы алаңы мен Кең баба саябағының алдына егілді.
Ал биыл қаланы көгалдандырып, көріктендіру үшін сәуір айының 20-нан бастап қала аумағына 700 мыңнан аса жаздық гүл көшеті егіледі деп жоспарлануда. Көлемі 16 465 шаршы метр жерге, яғни, әкімшілік-іскерлік аумақтар мен орталық қөшелерге, саябақтарға, сондай-ақ, гүлзарларға петуния, шафран, тагетис, катарантус, сальвия сынды гүл көшеттерін егілмек.
