Бадам өзенін байлықтың көзіне айналдырғандар азаяр емес. Бұған кәсіпкерлік бөлімі мен полицейлер жасаған рейд кезінде көз жеткізді. Арнаны аяусыз талқандап, заңсыз құм қазғандар тексерушілерді көре салып, тұра қашты.
Тіпті көлігін де тастап, оқиға орнынан бой тасалады. Бұндайды күтпеген жауапты тұлғалардың өздері де аң таң. Бір қызығы, қашқындарды қууға полицейлердің де шамасы жетпеді.
Заң бұзушылардың шапшаңдығынан беті қайтып қалған ба, әйтеуір, көзден таса қылып, жіберіп алды. Сөйтіп, түк таппаған соң, иесіз қалған техниканы айып тұрағына жөнелтті.
