Шымкентте адасып кеткен сәбидің ата-анасы табылды. Көшеде жүрген баланы қаладағы 112-орамның тұрғындары кездестірген.
Жасы шамамен бестегі бала алғашында көп жылай берген. Үлкендер тек аты Миша екенін біліп үлгереді. Үсті-басы таза баланың суретін Инстаграм қолданушысы жариялап, ата-анасын іздестірген соң әлеуметтік желі қолданушылары жүздеп бөлісті.
Абырой болғанда бала біраз уақыттан соң жылауын тоқтатып, үйіне баратын жолды көрсетуге тырысқан. Сол маңдағы жасы 8-9 шамасындағы балалардың бірі бұл істе көп көмегін тигізді дейді әлеуметтік желі қолданушылары. Осылайша баланың ата-анасы табылып отыр.
