Шымкентте қоғамдық бақ пайда болды. «Жасыл аймақ» мемлекеттік коммуналдық мекемесінің қызметкерлері 50 гектар алқапқа алма, алша, шабдалы, алмұрт көшеттерін отырғызды.
Жалпы жеміс ағаштарының саны 33 мыңнан асады. Бұдан бөлек 400 мың түп терек те жерсіндірілді. Енді жасыл аймақтың аумағы 5 мың гектарға жетті. Алдағы уақытта көшеттерді өзімізде дайындау үшін арнайы 20 гектар жерге тұқымбақ жасалып, онда қылқан жапырақты және ақ қайың өсіру қолға алынады.
