Оңтүстік Қазақстан облысының полицейлері табиғатты қорғау бағытында 60-тан аса заң бұзушылықты анықтады. Өңірде 7 сәуір мен 30 мамыр аралығында облыстық жергілікті полиция қызметі табиғатты қорғау инспекторларымен бірлесе «Уылдырық» жедел алдын алу шарасын өткізуде. Іс-шараның мақсаты — заңсыз балық аулау, су жануарлары мен өсімдіктеріне зиян келтірудің алдын алу, осы бағыттағы құқық бұзушылық пен қылмысты болдырмау.
Рейдтің басынан бері заңсыз балық аулауға қатысты 8 экологиялық қылмыс және 53 әкімшілік құқық бұзушылық анықталды. Полицейлер заңсыз ауланған 100 келіден астам балық, 11 қайық пен басқа да балық аулау құрылғыларын тәркіленді.
Нақты айтқанда, Отырар ауданының тәртіп сақшылары Сырдария өзені бойында электрмен заңсыз балық аулап отырған 1984 және 1988 жылы туған екі жергілікті тұрғынды ұстады. Олардан айғақ ретінде резіңке қайық, екі аккумулятор және 23 келі сазан мен мөңке балығы тәркіленді.
Аталған жайт бойынша қылмысты кодекстің 335-бабымен (балық ресурстарын, басқа да су жануарларын немесе өсiмдiктерін заңсыз алу) іс қозғалды. Сотқа дейінгі тергеу амалдары жүргізілуде.
Сондай-ақ, заңсыз балық аулауға қатысты 56 азамат әкімшілік жауапкершілікке тартылып, жалпы сомасы 700 мың теңге шамасында айыппұл салынған. Оңтүстіктің барлық аймағында өтіп жатқан «Уылдырық» рейді жалғасуда.
