Бүгін белгілі болғандай, кене шағып қаза болған жасөспірім Арыс қаласындағы жекеменшік медициналық мекеменің қызметіне жүгінген. Қазір осы іске байланысты қызметтік тексеру жұмыстары басталды. Дәрігерлердің салғырттығы анықталса, олар заң алдында жауап береді.
Бұл туралы облыстық денсаулық сақтау басқармасының басшысы Сейітжамал Пакеев мәлімдеді. Оның айтуынша, қазір марқұммен қарым-қатынаста болған азаматтардың барлығы медициналық бақылауға алынған. Айта кетейік, бұл — жыл басынан бері қырым қанды қызбасы бойынша өліммен аяқталған алғашқы жағдай.
Сейітжамал Пакеев, облыстық денсаулық сақтау басқармасының басшысы: «Науқастың қаралған жекеменшік медициналық мекемесіне тексеру жұмыстарын жүргіземіз. Марқұм медициналық көмекке кеш жүгінгенін айта кетейік. Биыл кене шаққандар көп тіркелуде. Барлығына уақтылы көмек көрсетуге тырысып жатырмыз.»
