2016 жылдың 11-12 маусым күндері аралығында облыстық дене шынықтыру және спорт басқармасы мен семлекттік қызмет істері министрлігінің ОҚО бойынша департаментінің ұйымдастыруымен ел тәуелсіздігінің 25 жылдығына және«23 маусым — мемлекеттік қызметшілер күніне арналған мемлекеттік қызметшілер арасындағы облыстық спартакиадасы басталды.
Жыл сайын ұйымдастырылып отырған спорттық іс-шараның негізгі мақсаты мемлекеттік қызметтегі азаматтарды салауатты өмір салтына баулу, облыс көлемінде мемлекеттік қызметшілер арасында дене шынықтыру мен бұқаралық спортты арттыру және мемлекеттік қызметшілердің кәсіби мерекесін атап өту болып табылады.
Департамент басшысы, ддеп жөніндегі кеңес төрағасы Б.Бекжанов және облыс әкімдігі аппаратының басшысы Е.Әлімқұловтың қатысумен Қажымұқан атындағы орталық стадионында облыс әкімінің аппараты, департаменттер мен басқармалар арасында спорттың бірнеше түрі бойынша спартакиаданың ашылу салтанаты өтті.
Спартакиада бағдарламасында мемлекеттік қызметшілер құрамы спорттың волейбол, шағын футбол, үстел теннисі, жеңіл атлетика, шахмат, арқан тарту, қол күрес, жүзу түрлерінен бақтарын сынамақ.
