Шымкентте қауын-қарбыз сатыла бастады. Алғашқы өнімдерін шекара асырып жатқан дихандар қауын-қарбыздарын қала базарларына да жеткізді. Бүгін «Жібек жолы» сауда орнының зертханасы сол өнім құрамындағы нитраттардың адам ағзасына зиянын тексеріп шықты.
Сала мамандарының айтуынша, ерте піскен бақша өнімдерінде нитраттың нормадан артық болуы заңдылық. Десе де бүгінгі тексерілген қауын-қарбыз адам денсаулығына аса қауіпті емес. Бірақ сонда да аса көп мөлшерде пайдаланбауға кеңес берді. Шымкент қаласының базарларында саудаланып жатқан қауынның келісі 70-80 теңге болса, қарбыз 40 теңге дейді сатушылар. Өнім көбейген сайын оның бағасы да арзандайтыны нарықтағы заңдылық.
