Шымкентте 12 шақырымдық веложол пайдалануға беріледі. Бұл туралы қала әкімінің баспасөз қызметі хабарлайды.
Кез келген мегаорталықтың транспорттық жүйесінің ең басты мақсаты қауіпсіздікті қамтамасыз ету деген қала әкімі Ғабидолла Әбдіраxымов Шымкенттегі Әл Фараби алаңы мен жаңа әкімшілік іскерлік орталығында 12 шақырымдық велосипедпен жүруге арналған арнайы веложол жасауды тапсырды.
Құрылыс жұмыстарының алғашқы кезеңінде Бауыржан Момышұлы, Желтоқсан және Дінмұхамед Қонаев даңғылы және Т.Назарбеков, С.Бәйтереков, Астана даңғылындағы велосипед мінгенден үшін кедергілерлерді жою жұмыстары жүргізілуде.
Жобаның екінші кезеңі аясында веложол Ордабасы алаңы және Қазыбек би көшесі, Желтоқсан көшесі мен Д.Қонаев даңғылы аралығын жалғайтын болады. Жылдың соңына дейін аталған бағыттар бойынша арнайы веложол белгілері, велосипедке арнаған орындар салыну жоспарланған.
Сонымен қатар жыл соңына дейін шаһардағы Сайрам, Ш. Уәлиxанов, Т.Рысқұлов, Тұрсынов көшелеріндегі аяқжолдарды велосипед жолына ауыстыру жоспарланған.
