Облыста алкогольді өнімдерді сататын 2000-нан аса кәсіпкер тіркеуге алынған. Өз кәсібін жалғастыру үшін олар жыл сайын 30 және 100 АЕК көлемінде салық төлеуі тиіс. Былтыр салық төлеудің мерзімі 20 ақпанға дейін болса, биыл 20 шілдеде аяқталады.
Жыл басынан бері спиртті өнімді сату үшін өңірде 1307 кәсіпкер ғана лицензия алған. Әлі мыңнан аса салық төлеуі тиіс азамат тіркеуде тұр. Сала мамандарының сөзінше, облыста 345 кәсіпкер мемлекеттік төлемнен бас тартып, лицензияларын кері қайтарып берген.
Бір сөзбен айтқанда, салық төлеуге қаражаты жеткіліксіз. Салықтан бас тартқан кәсіпкерлер басты бақылауда болады. Айта кетейік, 2015 жылы тиісті төлемнен бас тартқан 150 азаматқа үш жүз мың теңге көлемінде айыппұл салынған. Ал 20 шілдеге дейін сауда орындарының басшылары алкогольді өнімді сату үшін міндетті түрде лицензия алуы тиіс.
