Ғаламтордың мүмкіндіктерін қадағалау органы өкілдері де тиімді пайдаланып отыр. Оңтүстік Қазақстан облыстық прокуратурада Қазақстанның бас прокуратурасы құқықтық статистика және арнайы есепке алу жөніндегі комитеті төрағасының орынбасары Болат Тазабеков құқық қорғау органы өкілдерімен кездесіп, осы бағытта атқарылған жұмыстарды таныстырды.
Бұдан былай кез келген шағымданушы ұзын-сонар кезек күтпей-ақ прокуратура органдарына арыз тастап, шағымының қай сатыда екенін біле алады. Тіпті тың инновациялық жобалар аясында әкімшілік айыппұлдар туралы ақпарат алып, жаңадан сатып алған автокөлігіңіздің қатысымен болған жол апаты дерегі бойынша да хабарлама алуға мүмкіндік туып отыр.
