Жыл сайын елімізде халықтың әл ауқатын арттыру мақсатында баспана алу мәселесі жүйелі жолға қойылып келеді. Осы ретте мемлекет басшысы Нұрсұлтан Назарбаев Үкіметке «Қолжетімді тұрғын үй-2020» бағдарламасын нақтылауды тапсырған болатын.
Аталған бағдарлама аясында Түркістан қаласындағы жаңадан бой көтеріп келе жатқан «Отырар» шағынауданында 5 қабатты 2 тұрғын үй құрылысы бітуге таяды. Биылдың соңына қарай жаңа пәтерлер тұрғын үй кезегінде тұрған азаматтарға берілмек.
Осы кезекте «Қазақстан ипотекалық компаниясы» арқылы 9 қабатты 2 үй салынып жатыр. Жақын күнде мұнда да заман талабына сай баспаналар тұрғындар игілігіне берілетін болады, деп хабарлайды ОҚО әкімінің баспасөз қызметі.
Сондай-ақ, жергілікті тұрғындар үшін қуанышты хабар – жаңа шағынауданның маңынан тағы да 8 үйдің құрылысы басталмақ. Бұл үйлерді келесі жылы пайдалануға беру жоспарлануда.
