Күн суытқалы бері электр энергиясын тұтыну көлемі күрт артты. «Оңтүстік жарық транзит» мекемесі берген мәліметтерге сүйенсек, бүгінде Оңтүстік өңіріне сағатына 432 мегаватт электр энергиясы жеткізілуде. Оның 97 мегаваты өзіміздің өңірімзде өндіріледі. Ал 336 мегаваты өзге облыстардан тасымалданады. Атап айтқанда жарықты Қарағанды, Екібастұз және Жамбыл ГРЭС-інен алып отырмыз.
Байтұрсынов көшесіндегі мына көлік кептелісі бағдаршамның істемей қалуынан болды. Енді жол қозғалысын қиылыста полициясы қызметкер реттеуге мәжбүр. Толассыз жауған жауын-шашынның соңы қарға ұласып, шымкенттіктерді бір әбігерге салғаны бар. Сулы қардан ағаштар сынып, жолдың бойындағы көліктерге зақым келтірсе, жеке секторда электр жарығы жиі сөнген.
Энергетиктер бұл жағдайды техногендік себептермен байланыстырады. Электр энергиясын тасымалдаушы «Оңтүстік жарық транзит» серіктестігі бүгінде өңірде сағатына 432 мегаватт электр энергиясы жеткізілуде деп хабарлайды. Оның 97 мегаваты өзімізде өндірілсе, 336 мегаваты өзге облыстардан тартылады. Олар — Қарағанды, Екібастұз және Жамбыл ГРЭС-тері. Кәсіпорынның диспетчерлік қызметі қалыпты жағдайда жұмыс жасауда. Қосалқы станциялары мен жүйелер тұрақты дейді мамандар.
Күннің суытуына байланысты көп қабатты үйлерде электр энергиясын тұтыну көлемі күрт артқан. Тұрғындар пәтерлерін электр құралдарымен жылытып жатыр, өйткені ол үйлерге орталық жүйеден жылу берілген жоқ.
Көп қабатты үйлерге жылу берілмесе, электр энергиясы кеңселер мен пәтерлерді жылытуға жұмсалатыны анық. Ал жылу берушілер де асығар емес. Оны қаладағы негізгі көшелердің бойында жатқан магистралды құбырлардан аңғару қиын емес. Қазанның 20-на құрылысты аяқтаймыз деген қала әкімдігі өкілдерінің сөзі кезекті рет уәде күйінде қалмақ. Қазылып тасталған жолдар, жұмысшы көрінбейтін нысандарды күнделікті көріп жүрген тұрғындар билікке сенімін жоғалтқандай. Қымбат болса да газ жағып, электр құрылғыларын қосып, тоңбаудың әрекетін жасауда.
