Шымкентте ер кісі терең шұңқырға құлап қалды. Оқиға Қожанов көшесінің бойында болған.
Осында қазылған терең шұңқыр қоршалмаған дейді куәлер. Сол шұңқырға түнгі сағат 3 шамасында ер кісі құлап қалды. Оған құтқарушылардың көмегі қажет болды.
Шұғыл жасақтың мамандары ер кісіні терең шұңқырдан шығарған соң жедел жәрдем дәрігерлерінің қолына тапсырды. Бригада жәбірленушіні ауруханаға алып кетті.
