Көмекке мұқтаж Виола жайлы жаңа ақпарат. 7 қазан күні бүлдіршінді анасымен бірге санавиациямен Астана қаласына алып кетті. Қасында еліміздің үздік кардиологтары бар.
Анасының айтуынша, Астанада Виоланы операцияға дайындап, ота жасау үшін әрі қарай Германияға аттанады. Ал осы арада бүлдіршінге көмектесу үшін бүкіл Қазақстан жұмылуда.
Еске салайық, аса күрделі «Шон синдромы» диагнозы қойылған бес жасар қызға ота жасауға неміс хирургтары келісіп отыр. Ол үшін 50 мың евроға жуық қаржы керек. Дәл қазіргі сәтте 18 миллион теңгенің 9 миллионы жиналды. Біз Виоланы отбасымен байланыста боламыз.
