Шымкентте қаңғыбас иттер көбейіп кетті. Осы мәселені көтерген қоғамдық кеңестің мүшелері иесі жануарларды аулап қана қоймай, бос жіберген иелерін құқық қорғау органдарының қызметкерлері жазалауы тиіст дейді. Көше торыған қаңғыбас иттер түрлі жұқпалы аурудың ошағы ғана емес, мектепке ерте барып кеш қайтатын оқушыларға да қауіпті дейді ел ағалары.
Көше кезген бір итті аулау үшін кем дегенде жарты сағат уақыт қажет. Арнайы дәрісі бар шприцпен атылған оқтың уы тарағанша төрт аяқты жануар талай жерге қашып үлгереді. Мамандар содан кейіш қашқан итті соңынан қуып жүріп ұстау да оңай шаруа емес дейді.
Осындай қиындықа қарамай күн сайын 10 бригада 200-ден астам қаңғыбас ит пен мысықты аулайды екен. Ол үшін жыл басында бюджеттен 38 млн теңге қаралған. Жақында депуттатар қосымша 11 млн теңгені тағы бөлді.
Сала мамандарының мәлімдеуінше, жыл соңына дейін осы қаржыға үш мыңнан астам қаңғыбас ит пен мысық ауланады дейді. Нәтижесінде қаладағы қаңғыбас ит пен мысықтардың көзін толығымен жойып жібермесек те санын біраз азайтамыз дейді салаға жауаптылар.
Нұрлан Жаңабай
