Оңтүстікте жол апатын жасап, қашып кеткен жүк көлігінің жүргізушісі ұсталды. Бұл туралы облыстық ішкі істер департаментінің баспасөз қызметі хабарлайды.
13 қараша күні Шымкент-Арыс-Шардара тасжолында Камаз жүк көлігі жолдың қарсы бағытына шығып кетіп, Фольцваген ПАссат көлігімен соғысқан. Соның салдарынан жеңіл көлікте отырған 5 жолаушы мерт болды. Олар Отырар және Ордабасы ауданының тұрғындары. Араларында екі мектеп оқушысы мен екі студент қыз бар.
Осы Пассат көлігінің жүргізушісі ауруханаға жеткізілді. Тергеушілер марқұмдардың Шардара қаласында бара жатқан өнерпаздар екенін анықтады. Ал Камаздың жүргізушісі оқиға орнынан қашып кеткен болатын. Іздестіру нәтижесінде Арыс ауданының полицейлері оны қолға түсірді. Сараптама нәтижесінде 57 жастағы кісінің жол апатын жасаған кезінде орта дәрежелі мас екені анықталып отыр. Қазір қылмысты іс қозғалып, тергеу жалғасуда.
Қазір ғана белгілі болған ақпарат, ауруханаға түскен Фольцваген көлігінің жүргізушісіне операция жасалды. Ордабасы ауданының тұрғынының бауырына дәрігерлер күрделі ота жасаған. Қазір оның халі тұрақты деп баға беріп отыр дәрігерлер. Бұл жігіт Камаз жүк көлігі жаншып кеткен жеңіл көліктің рөлінде болған еді.
