//
Түркістандағы арнаулы әлеуметтік мекемені тексеру аяқталды Жаңалықтар 

Түркістандағы арнаулы әлеуметтік мекемені тексеру аяқталды

Бүгін Түркістандағы №4 арнаулы әлеуметтік қызмет көрсету орталығындағы жағдайға қатысты ақпарат порталдарында шыққан сын мақала бойынша жүргізілген тексерудің қорытындысы жарияланды.

Түркістандағы арнаулы әлеуметтік мекемені тексеру аяқталды

Облыстық жұмыспен қамтуды үйлестіру және әлеуметтік бағдарламалар басқармасы басшысы орынбасарының мәлімдеуінше, денсаулық сақтау және әлеуметтік даму министрлігі тарапынан құрылған арнайы топ жұмыс істеп, аталған мекеме жайлы суреттердегі фактілер расталмаған.

Тексерушілер бұл мақала біреудің ықпал етуімен қасақана ұйымдастырылған деген қорытындыға келіпті. Емделушілердің қолданыстағы нормаларға сәйкес тамақтанатыны анықталып, мекемеде туберкулездің ашық түрімен ауыратындардың бірге жататыны дәлелін таппапты.

 

Дегенмен, жүйке жүйесі дертіне шалдыққандарға медициналық қызмет көрсету мен құжат толтырудағы кемшіліктер анықталып отыр.

Анықталған осы кемшіліктерден соң жүйке жүйесі дерті диспансерінің директоры жұмысынан қуылып, оған 70 айлық-есептік көрсеткіш көлемінде айыппұл кесілді. Дәрігер-психиатр да 10 айлық-есептік көрсеткіш көлемінде айыппұл төлейтін болды. Бір қызметкер лауазымынан босатылып, тағы бірі қызметте төмендетілді. Бұған қоса диспансердің 17 қызметкеріне қатысты әкімшілік және қызметтік шаралар көрілді.

Тағы да оқитындарыңыз

Пікір қалдыру

Алғашқы болып пікір жазыңыз!

Маған хабар беру:
777
wpDiscuz