Күрделі жөндеуден өткен Шымкент қалалық əкімшілігінің бұрынғы ғимараты пайдалануға берілді. Өңір басшысы Жансейіт Түймебаев пен қала әкімі Ғабидолла Әбдірахымов ғимаратты аралап, атқарылған жұмыстың сапасын бақылап көрді.
Айта кетейік, ғимараттың іргетасы 1950 жылы қаланған. 2015 жылдың қыркүйегінен басталған нысанның қайта жөндеу жұмыстарына 500 млн теңге бөлінді.
Бүгінгі таңда бұл ғимаратқа Əл-Фараби аудан аппаратымен қатар қалалық білім бөлімі, жолаушылар көлігі және автомобиль жолдары бөлімі орналасты.
