Шымкентте жаңа балабақша ашылды. Қаладағы Тәшенов көшесінде орналасқан «Қос ана» балабақшасының салтанатты ашылу рәсіміне облыс әкімі Жансейіт Түймебаев пен қала әкімі Ғабидолла Әбдірахымов қатысты.
280 бүлдіршінге лайықталған балабақшада 12 топ жұмыс істейді. Заман талабына сай жабдықталған бөбекжайда кең де ыңғайлы ойын бөлмесі, музыка залы, спорт залы, әр топқа арналған ойын алаңшалары және асхана қарастырылған. Мұндағы оқу қазақ, ағылшын және орыс тілдерінде жүреді.
Бұл балабақшаны «Мұнай құрылыс сервис» жауапкершілігі шектеулі серіктестігі салды.
