Үй кезегіндегі жандарға пәтерлер Тұран шағынауданы, 192-ші орамдағы «Адия» кешеніндегі үйден беріледі. 147 пәтерге өтінішті кезекте тұрған әр азамат электронды-санды қолтаңбасы арқылы өзі береді.
«Самұрық-Қазына» жылжымайтын мүлік қоры» АҚ бағыты бойынша баспана алу үшін азаматтар жергілікті атқарушы органдарда мына санаттар бойынша кезекте тұруы тиіс:
– Ұлы Отан соғысының мүгедектері мен соғысқа қатысушыларға теңестірілгендер;
– Мүгедек баласы бар немесе тәрбиелеп отырған отбасылар;
– Жасы бойынша зейнет демалысына шыққан зейнеткерлер;
– Жетім балалар, ата-анасының қамқорлығынсыз қалған балалар;
– Оралмандар;
– Экологиялық зілзалалар, табиғи және техногенді сипаттағы төтенше жағдай салдарынан үйінен айрылған адамдар;
– Көп балалы отбасылар;
– Толық емес отбасылар;
– Мемлекеттік, әскери қызметшілер, арнаулы мемлекеттік органдардың, бюджеттік ұйымдардың қызметкерлері.
Өтінімдер халыққа қызмет көрсету орталықтарында және Шымкент қалалық тұрғын үй қатынастары бөлімінде қабылданады. Мекенжайы: Шымкент қаласы, Рысқұлов көшесі, 8-а үй, 2-кабинет. Фронт-офис ғимараты.
