Көлік жүргізушілер назарына! Шымкентте бірнеше жолда жөндеу жұмыстары басталды. Осыған орай жауаптылар қала тұрғындарынан мұқият болуды сұранады.
Мысалы, ескі қалашықтағы Амангелді көшесі жабық. Мұнда да жөндеу жұмыстары басталып кеткен. Бұған қоса тиісті жұмыс Жиделі шағынауданында да атқарылуда. Мұндағы Тұрдалиев және Беркімбаев көшелері толық жөнделіп, асфатьттың алғашқы қабаты төселіп үлгерді.
Бұған қоса жөндеу жұмыстары Сыпырған ата көшесінде, А-2 және Темірлан тасжолдарында жүргізілуде. Құрылысшылар уақытша қолайсыздықтар үшін қала тұрғындарынан кешірім сұрайды.
