Мақтарал ауданының әкімі Жамантай Бейсенбаевтың бастамасымен ауданда жаппай сенбілік өтті, – деп хабарлайды аудан әкімінің баспасөз қызметі.
28 техника, 8 787 тұрғын қатысқан тазалық іс-шарасының аясында 82 көшенің бойы, 22 аяқжол, 0,675 гектар саябақ, 21 шақырым көпірлер мен арық-атыздардың бойы тазаланып, 421 тонна қоқыс шығарылды. Сондай-ақ, 18 жерде берекетсіз күл-қоқыстар жойылса, 8544 тал, 15 автобус аялдамалары әктелді.
Айта кетейік, сенбіліктің арқасында 10527 дана ағаш отырғызылып, Жетісай қаласында 48 мың дана гүл егілді. Бүкіл тұрғындарды тазалыққа шақырған іс-шара 4 күнге созылады деп күтілуде. Хабарламаның жалпы мәтіні осындай.