Екі күн бойы пойыз күткен жолаушылар жолға шықты

675

Жамбыл облысында пойыз жолда болған апат салдарынан кеше Шымкенттегі темір жол вокзалында жолға шыққандар пойызды екі күн бойы күтулеріне тура келген болатын. Бүгін түстен кейін ғана мәселе шешімін тапты.

Астана уақытымен сағат 14:20-да келген «Шымкент-Астана» бағытындағы пойыз, 10 минут аялдап, азаматтарды алып кетіпті. Жолаушылардың айтуынша, «Қазақстан темір жолы» ҰК Шымкент филиалының әкімшілігі тек шудан кейін ғана бас көтеріп, таңғы және түскі аспен қамтамасыз еткен.

Айта өтейік, кеше кешкі сағат 18:00-де жолға шығуы тиіс «Астана-Шымкент» пойызы кешігіп, жолаушыларды әбігерге салған болатын. Вокзал әкімшілігі қызметкерлерінің немқұрайдылығынан еңкейген қарт пен еңбектеген балаға дейін перронда қонуға мәжбүр болғанын айтқан болатынбыз.

Ардақ Жақсылықова