Малайзия королі V Мұхаммад Фарис «Мәскеу аруы-2015» байқауының жеңімпазы Оксана Воеводинамен үйленді. Бұл жөнінде tengrinews.kz сайты Islam News -ке сілтеме жасап хабарлайды.
Мұсылман монархы мен сұлудың тойы 22-қарашада Рублевкадағы Барвиха ауылында өтті. «Той алкоголь ішімдіксіз, халал тағамдармен» болды. Салтанатты рәсімде жоғарғы билеуші қонақтардың алдына Малайзияның ұлттық киімінде, ал қалыңдық — орыс көйлегінде шықты», — дейді портал тілшісі.
Rakyatku News басылымының ақпараты бойынша, неке қию рәсіміне дейін де Воеводина хиджабпен көзге түскен және кейбір мәліметтер бойынша ислам дінін қабылдаған.
Оксана Воеводина «Мәскеу аруы» атағына 22 жасында ие болған. Ол Плеханов атындағы Ростов мемлекеттік экономика университетін тәмамдаған және киім мен шомылу киімінің дизайнымен айналысқан.
