​Қазақстанда 2018 жылдың қараша айында өткен жылдың желтоқсанымен салыстырғанда жаңа тұрғын үйдің 1 шаршы метрін сату бағасы 2,2% — ға артып, 265,7 мың теңгені құрады, деп хабарлайды LS порталына сілтеме жасап Elitar.kz.

Дәл осы кезеңде абаттанырылған тұрғын үйдің құны 1,7% — ға өсіп, 185,6 мың теңгені құраған. Ал жалдау ақысы 5,9% — ға қымбаттаған. Жаңа тұрғын үйлер Шымкентте (4,9%), Астанада (4,2%) және Петропавлда (3,7%) артса, Көкшетауда жаңа баспананың 1 шаршы метрі 4,5% — ға арзандады.

Ел бойынша қайталама тұрғын үй бағасы Түркістанда күрт өсті. Қала облыс орталығы мәртебесін алғаннан кейін баспана бірден 15,7% — ға (шаршы метр үшін 157,2 мың теңгеге дейін) қымбаттаған. Сондай-ақ, қайталама тұрғын үй құны Астанада (8,8% — ға), Қызылордада (6,8% — ға) және Қостанайда (3,7% — ға) артқан.

Сондай-ақ, Түркістанда баспананы жалға алу ақысы да белсенді түрде қымбаттап, 51,7% – ға жеткен. Ал Жезқазғанда – 15,6%–ға, Таразда – 8,9%–ға, Шымкентте–7,1% — ға, Павлодарда-7% — ға, Астанада-5,3% — ға, Қызылордада-4,6% — ға өсті.