2019 жылғы 2 шілдеде ұзаққа созылған аурудан кейін «ПКОП» ЖШС-ның техникалық директоры – Баетов Болат Бажақайұлы өмірден озды. Марқұм зауытта 35 жылдан астам уақыт жұмыс істеген өз ісінің кәсіби маманы және еңбек ардагері болатын.
Болат Бажақайұлы өз еңбек жолын технологиялық қондырғылардың операторы болып бастап, жоғары басшылық лауазымына дейін көтерілген кәсіби маман еді. Ол ЛК-6У технологиялық цехын іске қосуға, Шымкент мұнай өңдеу зауытын жаңғырту және реконструкциялау жобасына үлкен үлес қосқан. «ПетроҚазақстан Ойл Продактс» ЖШС-ның басшылығы мен еңбек ұжымы марқұмның туған-туыстары мен жақындарына орны толмас қайғыларына ортақтасып, қайғырып көңіл айтады.
«ПетроҚазақстан Ойл Продактс» ЖШС
