Шымкенттік тәртіп сақшылары қаруға ұқсас зат алып жүрген азаматты анықтады. 20-ақпан күні патрульдік полиция инспекторлары әкімшілік аумақты бақылау барысында Жібек жолы көшесінің бойында күмән тудырған азаматтар тобын көріп, ішінде бірінің қолынан қаруға ұқсас зат барын байқаған.
Мән-жайды анықтау үшін тоқтап, тұрғындардың жеке басын анықтау барысында бір азаматтан қаруға ұқсас зат тәркіленіп алынды. Тәртіп сақшылары тез арада жедел-тергеу тобына хабар беріп,анықталған затты қайдан алғаны және қандай мақсатта алып жүргені бойынша тексеру жұмыстарын жүргізу үшін азаматтар Еңбекші ауданы Полиция басқармасына жеткілді.
Қазіргі таңда тергеу амалдары жалғасуда. Аталған жайт бойынша тексеру жұмыстары аяқталғаннан кейін азаматқа қатысты құқықтық шара қолданылатын болады.
Иззат Миралиев
