Шымкенттегі Бәйдібек би даңғылы бойындағы «Жайлаукөл» саябағында қайғылы оқиға орын алды. Құзға өрмелеу қабырғасының ұстағышы жұлынып кетіп, 20 жастағы жас жігіт биіктен құлап кетті. Қайғылы оқиға 10-сәуір күні болған.
Оқиға орнына барған жедел жәрдем қызметкерлері науқасқа алғашқы медициналық көмек көрсетіп, №1 қалалық клиникалық ауруханаға жеткізді.
Медициналық тексеру барысында пациенттің бас сүйек маңдайшасы жарақаттанғаны анықталып, операция жасалды. Науқастың жағдайы ауыр, жансақтау бөлімінде жатыр.
