Бидай мен ұн экспортына квота үзартылды

0

Елімізде бидай мен ұн экспортына квота ұзартылды.  Сыртқы  сауда саясаты және халықаралық экономикалық ұйымдарға қатысу жөніндегі комиссия осындай шешім қабылдады.

Яғни, 30 қыркүйекке дейін үшінші елдерге және Еуразиялық экономикалық одақ елдеріне 550 мың тонна көлемінде бидай мен меслин, сондай-ақ үшінші елдерге 370 мың тонна көлемінде бидай, қара бидай ұнының экспортына шектеу енгізілді. Министрлік ауыл шаруашылығы өнімдерін квоталау механизмін бекіту бойынша шаралар қабылдап жатыр.

Айта кетейік, 15 маусымға дейін Қазақстаннан 1 миллион тонна бидай мен 300 мың тонна мөлшерінде ұнды сыртқа шығаруға квота енгізілген болатын. Қазақстанның Астық одағының соңғы мәліметіне сәйкес, бидайға арналған квотаны игеру 50 пайыз, ұн бойынша 87 процентті құрап отыр.

Шынар Оразова