Криптовалютаны теңгемен сатып алуға болады. Астана халықаралық қаржы орталығы цифрлық активтерді басқаратын 6 компанияға лицензия берген. Осы арқылы елдегі банктер мен криптонарыққа ортақ келісімге келуге мүмкіндік бар.
Пилоттық жоба жыл соңына дейін жұмыс істейді. Осы уақытта криптобиржалар банктерде шот ашуға құқылы. Криптовалюта сатып алу үшін биржалардың ресми сайтына тіркеліп, қаржылық тұрғыда сауатыңызды тексеретін сынақтан өту маңызды.
Содан кейін сауданы бастау үшін цифрлық ақшаны криптонарықтағы шотыңызға аудару қажет. Тұтынушылардың қауіпсіздігі үшін инвестиция көлемі айына мың доллардан аспауы тиіс.
Шынар Оразова
