Кентау қалалық полиция бөліміне жергілікті тұрғын хабарласып, отбасылық жанжал туралы хабарлады. Шақырту бойынша келген учаскелік полиция инспекторлары, үйдің ішінен есірткіге ұқсас өсімдікті байқайды. Тәртіп сақшылары дереу оқиға орнына жедел-тергеу тобын шақырды.
Тексеру кезінде жедел уәкілдер, тұрғынның ас үйінен құрамында есірткі заты бар 8 түп өсімдікті тапты. Полицейлер заттай дәлелдемелерді сараптамаға жолдады. Бұдан әрі қарай оқиғаға байланысты толыққанды тексеру жүргізу үшін күдікті полиция бөліміне жеткізілді.
Аталған жайт ҚР ҚК-нің 296-бабы «Есірткі, психотроптық заттармен, сол тектестермен өткізу мақсатынсыз заңсыз жұмыс істеу» бойынша тіркелді. Оқиғаның толық мән-жайы анықталуда. Естеріңізге сала кетейік, Түркістан облысының аумағында қоғамдық тәртіпті қамтамасыз етуге, криминогендік жағдайды жақсартуға, құқық бұзушылықтар мен қылмыстарды анықтауға және жолын кесуге бағытталған «Құқықтық тәртіп» жедел-профилактикалық іс-шарасы жүргізілді.
