«Ауыл аманаты» жобасы аясында ауыл тұрғындарына 2,5 пайызбен микронесие беріледі. Бұл мақсатқа биыл 100 млрд. теңге көзделген. Бұл туралы Ауыл шаруашылығы министрінің міндетін атқарушы Ербол Қарашөкеев мәлімдеді.
Ол президенттің тапсырмасымен ауыл халқының табысын арттыру жөніндегі «Ауыл аманаты» жобасын іске асыра басталғанын атап өтті.
«Оның аясында сенім білдірілген өкіл (агент) арқылы 5 жылға дейінгі, мал шаруашылығы саласында 7 жылға дейінгі мерзіммен, жылдық 2,5 пайызбен микрокредиттер беріледі. Микрокредиттің ең жоғары сомасы 8,6 млн. теңгені құрайды, бұл ретте ауыл шаруашылығы кооперативтері үшін — 27,6 млн. теңге», — деді Қарашөкеев үкімет отырысында.
Айтуынша, жобаны іске асыру үшін биыл 17 мың микрокредит беру жоспарланған. Осының арқасында 18 мыңнан астам жаңа жұмыс орны құрылады.
