Кәсіпкер әйелдерге мемлекет тарапынан қолдау бар. Екі жылда 17 мың қыз-келіншектің жобаларына 638 млрд теңге субсидия бөлінген. Бұл туралы Ұлттық экономика министрлігіндегілер айтты.
Сонымен қатар 114 млрд теңгеге 13 мың жоба кепілдендірілген. 147 мың адамға кеңес берілді. Қазақстанда әйелдер кәсіпкерлігін дамыту бойынша 20 орталық жұмыс істеп тұр. Ол арқылы 7 мыңнан астам кеңес беріліп, түрлі қызмет көрсетілген. Өңірлерде «Бір ауыл – бір өнім» және «Бизнестегі әйелдер» жобасы да табысты іске асып жатыр.
