Ауыл шаруашылығы мақсатындағы 10 млн гектар жер мемлекет меншігіне қайтарылды. Үкіметтің баспасөз қызметі хабарламасында, президенттің жолдауда айтылған тапсырмаларын сапалы әрі уақтылы орындау мақсатында құрылған мемлекеттік комиссия пайдаланылмай жатқан және заңнаманы бұза отырып берілген 10 млн гектар ауыл шаруашылығы жерін мемлекет меншігіне қайтарылғаны жазылған.
«Сондай-ақ жайылымдық жер тапшылығы мәселесінің өзектілігін ескере отырып, қайтарылған жерді тиісті елді мекендерге бекіту арқылы басым тәртіппен шаруалардың қажеттіліктері үшін берілуде», — деп жазылған хабарламада.
Жерді халық арасында әділ бөлу мәселелері үкіметтің ерекше бақылауында болады.
