Қазақстан мен Өзбекстан азаматтары екі ел арасында 30 күн бойы еркін жүре алады. Енді тіркеуге тұрудың қажеті жоқ. Бұған дейін мұндай мүмкіндік 5 күнге ғана берілетін. Бүгін Сенатта қаралған заңға осындай өзгеріс енгізілді. Құжатқа сәйкес, қос тараптың халқы 30 күн бойы ел аумағына кіріп-шыға алады. Транзитпен өтеді. Ал 30 күннен кейін құзіретті органға барып, уақытша тұруға рұқсат алу қажет.
Алишер Сатвалдиев, ҚР Парламенті Сенатының депутаты: «5 күнге келіп, бізге келген азамат немесе Қазақстаннан барған азаматтар 5 күннен кейін олар бюрократияға жолығады. Тіркеуге тұруы керек. Сондай қиындықтарға кезігіп келді. Осы уақытқа дейін. Енді екі ел азаматтары, көршілес ел ғой, бауырлас ел сол жерде 30 күн емін-еркін жүре алады. Бұл біршама уақыттан бері осы тұрғындардың талабы, сұранысы, өтініші болатын».
