Төле би аудандық полиция бөлімінің қызметкерлері жедел-іздестіру іс-шараларын жүргізу барысында тонау қылмысына қатысы бар деген күдікпен 34 жастағы жергілікті тұрғынды анықтады.
Белгілі болғандай, қылмыс күндізгі уақытта орын алған. Күдікті ер адам базар ішінде жергілікті тұрғынды бас тұсынан ұрып, ұялы телефонын тартып алып оқиға орнынан қашып кеткен. Ұялы телефонды сатып, ақшасын өз қажеттіліге жұмсаған.
Тәртіп сақшылары қолды болған ұялы телефонды тәркілеп, арызданушыға қайтарып берді. Қазіргі таңда күдікті ер адамға қатысты сотқа дейінгі тергеу амалдары жүргізілуде.
