Шымкент қаласының мамандандырылған ауданаралық экономикалық сотына «Б» кәсіпорны жауапкер «С» ЖШС-не мемлекеттік сатып алудың жосықсыз қатысушысы деп тану туралы талап қоюмен жүгінген.
«Баға ұсыныстарын сұрату» әдісі бойынша мемлекеттік сатып алудың қорытындысы бойынша талап қоюшы жауапкер арасында тауарларды мемлекеттік сатып алу туралы шарт жасалған.
Алайда, жауапкер шартта белгіленген мерзімдерді бұзуына байланысты, талап қоюшы бір ай ішінде «С» ЖШС-ты мемлекеттік сатып алудың жосықсыз қатысушысы деп тану туралы талап қоюды берген.
Сотта жауапкердің мемлекеттік сатып алу шарты бойынша тауарды жеткізу мерзімін бұзғаны, яғни оның кінәлі екені анықталған. Істің мән-жайын ескере отырып, сот «Б» кәсіпорынның талап қоюын қанағаттандырып, «С» ЖШС-н мемлекеттік сатып алудың жосықсыз қатысушысы деп таныған. Сот шешімі заңды күшіне енген.
