№44 қауіпсіздігі минималды мекемесінде жазасын өтеп жатқан азаматтың ұялы телефонды тамақ өнімдеріне телефон жасырып өткізу әрекеті тіркелді.
Жазасын өтеп жатқан азамат, бұрын мекемеден ҚР Қылмыстық-атқару кодексінің 143-бабы негізінде қалаға шығып келген, мекемеге оралған соң стандартты тексеруден өтті. Тексеру барысында піскен еттің ішінде жасырылған ұялы телефон табылып, мекеме қызметкерлері оны тәркіледі.
Бұл оқиға түрмелерде тыйым салынған заттардың қозғалысына бақылауды күшейту мен қауіпсіздік шараларын сақтау қажеттілігін көрсетеді. Қазіргі уақытта оқиғаның барлық мән-жайларын анықтау үшін тергеу жүргізілуде.
