Қазақстанда жастар арасында дәріхана дәрілерін теріс пайдалану дерегі артқаны байқалған. Дәрігерлердің айтуынша, бұл әдетті 9 жасынан бастап пайдаланатындар бар екен. Дәрілерге тәуелді адамдардың нақты статистикасы жоқ — тек тіркеуде тұрғандар ғана есепке алынады. Дегенмен, жағдайдың ауырлығы айқын көрініп тұр.
Сұлушаш Бекмағанбетова, әлеуметтік реабилитация бойынша бөлім басшысы: «Жақында ғана бізге бір ата-ана жүгінген болатын. Айтуынша, 15 жыл бойы дәрі тұтынған. Бұл тәуелділік тек бірнеше жыл емес, ұзақ уақыт бойы жалғасып келе жатқанын айтты. Бұдан бөлек, ол бірге дәрі тұтынатын адамның 13 жаста екенін де айтқан. Яғни, өкінішке қарай, наркологиялық тәуелділік жылдан—жылға жасарып келеді»
Реабилитация процесі емделушінің жасына қатысты шектеулермен қиындатылады, яғни мамандандырылған орталықтарда көмек тек 18 жастан асқандарға ғана көрсетіледі. Сарапшылар бұл құбылыспен күресудің көпқырлы тәсілді талап ететінін, оның ішінде алдын алу, отбасымен және қоғаммен жұмыс істеу қажеттігін атап өтеді.
Құқық қорғау органдары дәріханаларды тексеріп, дәрі-дәрмектердің заңсыз сатылуын анықтауға тырысады, бірақ мұндай жағдайлар сирек кездеседі. Көбіне дәрі-дәрмектер ресми емес арналар арқылы, оның ішінде мессенджерлер мен делдалдар арқылы жеткізіледі. Жасөспірімдермен және олардың ата-аналарымен профилактикалық әңгімелесу — бұл құбылыспен күрестің ең тиімді әдістерінің бірі болып қала береді.
Мұхаммедәлі Шалхарбай
