Шымкентте қараусыз қалған ескі ғимаратты сүру жұмыстары басталды. Нысан Ынтымақ шағынауданында, Аққамшы көшесінің бойында орналасқан. Бұл жұмыстар қала тұрғындарының қауіпсіздігі мен әл-ауқатын жақсартуға бағытталған дейді жауаптылар.
Алдияр Мұсабаев, Шымкент қалалық орта сапасы және бақылау басқармасы басшысының орынбасары: «Нотариалды түрде өзінің рұқсатын берді. Бұзуға ешқандай қарсылық білдірмеймін деді. Жақын арада мектеп бар. Қараусыз қалған ғимарат болғаннан кейін, кішкентай балалар кіріп кетеді. Ит бар, мысық бар дегендей. Сол себепті осы ғимаратты бұзу жөнінде сол кісімен түсіндіру жұмыстарын жүргізіп, шешім қабылданды»
Айта кетсек, меншік иесіне мемлекеттен ешқандай өтемақы берілмеген. Ғимаратты бұзу жұмыстарына да бюджеттен қаржы қаралмаған. Ал 2 қабатты нысанның орнына енді не салынатыны әлі де белгісіз екен.
Алдияр Мұсабаев, Шымкент қалалық орта сапасы және бақылау басқармасы басшысының орынбасары: «Ғимараттың орнына әзірге ешқандай ештеңе салынбайды. Қазір ең басты бұзу жұмыстарын жүргізіп алайық, сосын шешім қабылданады ғой генпланға сәйкес»
