Бүгін Отырар ауданының әкімі Қайрат Жолдыбайұлы аудан орталығындағы кәсіпкерлік нысандарды, саябақтар мен орталық көшелерді аралып, тиісті сала мамандарымен алдағы уақытта қолға алынатын абаттандыру, көгалдандыру және тұрғындарға қолайлы жағдай жасау бағытындағы жұмыстарды талқылады.
Аралау барысында кәсіпкерлік нысандардың қасбеттерін реттеу, тазалық шарасына атсалысу, нысан айналасын таза ұстау және ағаш көшеттерін егу бойынша түсіндіру жұмыстарын жүргізіп, жауапты мамандарға тапсырма берді.
Көгалдандыру жұмыстарына жауапты мамандардың айтуынша орталық көше бойындағы ағаш талдардың ретсіз өскен бұталарын ретке келтіру, көшет отырғызу, гүл егу, саябақтарды күтіп ұстау жұмыстары тұрақты жүргізіледі. Бұл бағытта аудан аумағында «жасыл белдеу» құру, елді мекендерді көгалдандыру бағытында 55 мыңға жуық түп ағаш отырғызу көзделуде. Оның ішінде, көктем мезгілінде тең жартысы, яғни 27500 мың түп және күз мезгілінде қалған 27500 мың түп ағаш отырғызу жоспарланған.
Аудан басшысы орталық көше бойының тартымдылығын арттыру мақсатында айналма жол бойында орналасқан ескі субұрқақты жаңарту, «Ардагерлер», «Арыс жағалауы», «Тәуелсіздік» саябақтарын абаттандыру жұмыстарының маңыздығын атап өтіп, жауапты мекеме басшыларына тиісті жұмыстарды атқаруды жүктеді.
