Түркістан облысы Сайрам ауданы полиция басқармасының қызметкерлері жедел-іздестіру іс-шараларын жүргізу барысында дүкеннен ұрлық жасады деген күдікпен жергілікті тұрғынды қолға түсірді.
Белгілі болғандай, оқиға түнгі сағат 2:30 шамасында орын алған. Ер адам пластик терезесін сындырып ішке кірген. Содан сатылымда тұрған құны 20 мың теңгетұратын 10 шақты ерлерге арналған спорттық киімдерді алып кеткен. Ол бұл қылмысын мас күйінде жасаған.
Келтірген шығын көлемі 200 мың теңгені құрады.Полиция қызметкерлері күдіктіні дер кезінде анықтап, айғақты заттарды тәркілеп алды. Қазіргі таңда ер адамға қатысты сотқа дейінгі тергеу амалдары жүргізілуде.
