Түркістан облысының қылмыстық істер жөніндегі мамандандырылған ауданаралық сотымен Қазақстан Республикасы ҚК-нің 346-бабының 6-бөлігімен айыпталып сотқа берілген К.-ға қатысты қылмыстық іс қаралды.
К. 2022 жылы алкогольді масаң күйде көлік құралын басқарғаны үшін 7 жыл мерзімге куәлігінен айырылғанына қарамастан, 2024 жылы 3 тамыз күні, таңғы сағат 06.40 шамасында «орта» дәрежелі алкогольді масаң күйде, «Toyota Camrу» маркалы автокөлігін басқарып, Түркістан облысының «Алматы-Термез» тас жолында, жолаушылары бар «Toyota Alphard» маркалы автокөлігімен жол көлік оқиғасына түскен.
Нәтижесінде «Toyota Alphard» автокөлігінің ішінде болған екі жәбірленуші ауыр дене жарақат салдарынан, оқиға орынында қайтыс болған.
Мемлекеттік айыптаушы, К.-ні тағылған айып бойынша кінәлі деп танып, оған бас бостандығынан айыру түріндегі жаза тағайындауды сұрады.
К. тағылған айыпты толық мойындап, істеген ісіне өкініп, жеңіл жаза тағайындауды сұрады.
Жәбірленушілердің өкілдері К.-ға кешірім берді.
К. ҚК-нің 346-бабының 6-бөлігімен кінәлі деп танылып, оған осы баппен өмір бойына көлік құралын басқару құқығынан айыра отырып, 6 жыл 8 ай мерзімге бас бостандығынан айыру жазасы тағайындалды.
Үкім заңды күшіне енбеді.
