Шымкентте республикалық жастар форумы өтті. «Тәуелсіздік құрдастары» форумына облыстың барлық аудандарынан 400-ге жуық адам қатысты.
Қоғамдық бірлестіктердің белсенділері мен студенттер, жас мемлекеттік қызметкерлер ел тарихында жеткен жетістіктерді саралап, кәсіподақ қозғалысының кейбір мәселелерін шешуде өз ойларын ортаға салды. Кез келген қатысушы шара барысында өз пікірін білдіріп, ұсыныстарын да жеткізе алды.
Сонымен қатар форум барысында «Ең үздік жас кәсіподан белсенділері» мен «Ең үздік кәсіподақ жобасының» жеңімпаздары марапатталды, марапат грамоталарын иеленді.
