Мектеп жасына дейінгі білім беру мекемелерінде «Шымкент-сүйікті қалам« атты акция басталды.Іс-шара аясында балабақша қызметкерлері түрлі танымдық ойындар мен интерактивті сабақтар, өзін-өзі тану пәнін және сурет салу байқауын өткізуде. Балақайлар қиялындағы Шымкент қаласының табиғаты мен демалыс орындарын, саябақтарды салып, сүйікті қаласы туралы өз ойларын жеткізуде.
Шараның мақсаты- бүлдіршіндерді жастайынан өз қаласын сүюге, таза ұстауға үгіттеу, сүйіспеншілік сезімін ояту. Акцияны ұйымдастырушы- ОҚО «Азаматтық Альянс» өкілдері мен қала әкімдігі. Олардың салған суретін арнайы құрылған комиссия мүшелері бағалайтын болады. Ал байқау қала күніне орай қорытындыланып, жеңімпаздар марапаталады.
