Оңтүстік Қазақстан облысында 3,8 балдық жер сілкінісі болды. Бұл туралы Ұлттық мәліметтер орталығы хабарлады.
Жерасты дүмпуі бүгін яғни, 15-тамызда сағат 12.51-де тіркелді. Дүмпудің ошағы Шымкенттің оңтүстік-батысынан 78 шақырым жерден анықталған.
Ал жер сілкінісінің нүктесі 5 шақырым тереңдікте жатыр. Зардап шеккендер мен ғимараттардың қирау дерегі тіркелмеген.
8-тамыз күні Алматы облысы аумағында магнитудасы 4,0 болатын жер сілкінісі тіркелген еді. Оның эпицентрі Алматының солтүстігінен 150 шақырым жерде орналасқан. Ал жер асты дүмпуінің нүктесі бес шақырым тереңдікте болған еді.
