Қазығұрт ауданындағы Жіңішке елдімекенінің тұрғындары ондаған жылдар бойы қыста отын тасып, көмір жағып әуре болатын. Енді ол қиындықтар кешегі күннің еншісінде деп қуанады ағайын. Ауылда 16 шақырымға созылған газ құбыры тартылды. Облыстық бюджеттен бұл жұмыстарға 97 миллион теңге қаржы бөлінген.
[youtube]https://www.youtube.com/watch?v=tpuc0BgDDY0[/youtube]
Биылғы қыста шардаралықтар судан да тапшылық көрмейтін болды. Өтеғұл шағынауданында су өткізгіш желінің құрылысы аяқталды. Ауызсуды тасып ішкен күндерін ұмыта қоймаған көпшілік алғашында суды өз ауласынан алатынына сенбеді де. Осындай қуанышқа Асықата кентінің тұрғындары да кенелді. Қазір 2000-нан астам отбасы таза сумен қамтылды.
