[youtube]http://www.youtube.com/watch?v=hkghQz1QjEU[/youtube]
Шымкенттің конкуршылары халықаралық жарыстан оралды. Алматыда өткен байрақты додаға Оңтүстіктен бірнеше спортшы жол тартқан болатын. Жастар құрамасы өзінен жасы жағынан да, тәжірибесі бойынша да үлкен болатын. Дегенмен, жерлестеріміз облыс қоржынына бір медаль сала білді.
«Гордый» атты сәйгүлігінде өнер көрсеткен Шыңғыс Малікаждар үшін бұл кедергіден секіру аса қиын емес. Ол Алматыда өткен «Винтеркуб» халықаралық жарысында бұдан да биік кедергілерді бағындырған болатын. Нәтижесінде жерлесіміз чемпион атанды.
Жастарды байрақты жарысқа бастап барған бапкер — Катя болатын. Жуырда ғана жаттықтырушылыққа көшкен бойжеткен шәкірттерінің жүлделі болатынына үміттенбеген де екен.
Соңғы екі жылда ұлттық спорт түрлері мектебінің ат қорасы ақалтеке сәйгүліктермен толыққан. Жерлестеріміздің конкурдан жүлделі бола бастағанының себебі де осында жатыр.
Осылайша биылғы маусым жақсы нәтижемен басталды. Ендігі мақсат — әр жарыстан жүлдемен оралу. Спортшылар да, олардың бапкерлері де осылай дейді. Оның үстіне конкур турнирлері көп те емес. Ендігі мақсат — ел чемпионатында жеңіске жету. Бүгінде жастар жаттығуларына қайта кіріскен.
